Ein grillfest ute ved ein privat bustad på Dreganesvegen i Ølen laurdag ettermiddag resulterte i at både politi og brannetat rykte ut. Bakgrunnen var brann i ein gassgrill. Mannskapet var kjapt på staden og fekk kontroll over brannen. Ein mann i 40-årsalderen som var ansvarleg for gassgrillen, er avhøyrt. Det er oppretta sak etter hendinga, melder Sør-Vest politidistrikt. Grannar meldte at hendinga skjedde ved kulturhuset, men det viste seg ikkje å stemma.