Jens Birger Gjerde (t.v) og Magnus Osvåg Moe i Etne er godt nøgd med førsteslåtten.
Foto: Irene Mæland Haraldsen
Svært grasrik førsteslått
Ein varm april månad og ein kald mai ser ut til å ha gjort godt på grasveksten, og så langt er mange bønder svært nøgde med førsteslåtten både i Etne og Vindafjord.
Sjølv om vêret så langt i juni har vore svært vekslande ser pilene ut til å peika i rett retning for årets førsteslått. Grasmengdene er jamt over store og klarar bøndene å få alt graset i hus innan eit par veker, ser det lovande ut etter første runde med slåmaskina.
— Det er veldig masse gras i år. Det er mange år sidan det har vore så mykje, seier bonde Magnus Osvåg Moe (30) frå Etne, som i tillegg til eiga garddrift tek på seg arbeid med å slå for andre bønder i Etne og Vindafjord.
Nøgd bonde
