Naudetatane rykte ut til Vikedal etter at det blei meldt om brann i ein bustad i Vikdal like før kl. 20.00 fredag kveld. Det skal ikkje vera personar inne i huset. Politiet som er framme på staden, melder at ingen er skada. — Det er ingen opne flammar, men ein del sot- og røykskadar. Me jobbar med å finna årsaka til brannen, rapporterer Sør-Vest politidistrikt.
Dette er den tredje brannen i Vindafjord i løpet av fredagen. Tidlegare på dagen var det brann i ein fritidsbåt på Romsa og i verkstaden i Sandeid fengsel.