Det var klokka 03.48 natt til laurdag at politiet fekk melding om at ein bil hadde køyrd av vegen, trilla rundt og hamna på taket. Kvinna var då på veg ut av bilen.
Mistanke om rus
Kvinna, som er i slutten av tenåra og er heimehøyrande i Grannar-distriktet, såg ikkje ut til å vere alvorleg skada, men vart frakta til Haugesund sjukehus for sjekk.
Der ville det også bli tatt blodprøvar, som følgje av at ho framsto som alkoholpåverka.
Uvisst om fleire var i bilen
Det var laurdag føremiddag uklart om det har vore fleire enn kvinna i bilen.
— Me håpar å få avklart det spørsmålet i samband med vidare etterforsking av saka, seier operasjonsleiar Sølvi Ravndal ved Sør-Vest politidistrikt.