Byggjer ut for 8-10 millionar
Lokala til Suldal Billakkering blir dobbelt så store, med utviding i fleire endar.
— Me ventar berre på godkjenning frå Vindafjord kommune. Når dette er på plass kan me gå i gang, fortel Ole Sigve Leifsen (59) frå Vikedal.
Saman med vikedalsbu Svein Bjarte Holten starta han Suldal Billakkering AS i 1983. Den gongen heldt dei til i Suldal, før dei flytta over i nye lokale på Steinsland i Sandeid ved årsskiftet 97-98. Rekneskapstala viser at verksemda har hatt ei fin utvikling dei siste åra. I 2018 omsette dei for 17,1 millionar kroner, og resultatet før skatt enda på 1,79 millionar. No skal dei investera 8-10 millionar kroner når dei byggjer ut.
— Me byggjer for neste generasjon, for at me skal få ein oppdatert og meir effektiv verkstad, fortel Leifsen.
