Ann Åse Stava sikra seg ein tredjeplass i Norseman Xtreme Triathlon. Det gav ho ei svart t-skjorte og startnummer i neste års utgåve.
Foto: Øystein Silde FrønsdalFOTO: Øystein Silde Frønsdal
Tredje raskaste på Norseman
Norseman Xtreme Triathlon er ein nokså ekstrem konkurranse. Ei trebarnsmor frå Sandeid blei tredje raskaste dame.
— Målet var å kome på Gaustatoppen og få denne svarte t-skjorta, seier Ann Åse Stava.
Det klarte ho med bravur. Førre helg svømte, sykla og sprang sandeidsbuen seg inn til ein tredjeplass, og beste norske plassering, i Norseman Xtreme Triathlon.
Den svarte trøya symboliserer ei plassering blant dei 160 beste deltakarane i konkurransen, uansett klasse. Dersom alt gjekk utan uføresette hindringar, var Stava sikker på at ho ville klare målet.
