Det kan bli vått også i Grannar-distriktet onsdag kveld.
ARKIVFOTO: GRETHE HOPLAND RAVN
Varm august men også uvanleg våt
To lokale stasjonar er på lista over mest nedbør i sommar. Etne sin nasjonale varmerekord seint på året, overlevde ikkje.
Årets sommar skriv seg inn i historiebøkene som ein av dei varmaste. Det uvanlege er at det samstundes også kom langt meir regn enn normalt, ifølgje Meteorologisk institutt.
Når status nå er gjort opp viser tala at gjennomsnittstemperaturen i landet sommaren 2019 enda 1,2 gradar over normalen. Relativt varmast var det på Vestlandet og i Trøndelag, der enkelte stasjonar hadde avvik på 2 til 2,5 gradar over normalen, opplyser Meteorologisk institutt.
Innimellom dei mange varme dagane kom det svært mykje regn i sommar. Dei offisielle tala viser ein nedbør for heile landet som var 110 prosent over normalen.
