— Dramatisk, og brot på historisk avtale
Avtroppande Etne-ordførar Siri Klokkerstuen (Ap) er opprørt over forslaget frå ekspertutvalet som går inn for å avvikla ordninga som gir kommunar direkte skatteinntekter frå vasskraft.
— Dette er historielaust og brot på ein over hundre år gamal avtale mellom by og land, der distrikta skulle bidra i samfunnsutvikling med inntekter frå vasskraft, mot at me gav frå oss ressursar til kraftproduksjon til byane, seier Klokkerstuen.
— Kontroversielt
Eit ekspertutval går inn for å avvikle spesialordningane som gir kommunar direkte skatteinntekter frå vasskraft. Sentralisering av verste sort, rasar Sp.
— Dette er sjølvsagt politisk kontroversielt, seier Per Sanderud til NTB.
Han har leia det såkalla kraftskatteutvalet, som no er ferdig med ein brei gjennomgang av skatteregimet for vasskraftverk. Måndag overleverte utvalet rapporten til finansminister Siv Jensen (Frp).
I rapporten tilrår utvalet å avvikle ordningane med konsesjonskraft og konsesjonsavgift. I tillegg meiner utvalet at eigedomsskatten for vasskraftverk bør bli normalisert. I dag går inntektene frå desse ordningane direkte til kommunane.
I staden vil utvalet sluse vasskraftinntektene inn til staten, til saman rundt tre milliardar. Så vil det bli opp til politikarane å bestemme korleis pengane skal bli fordelte mellom kommune og stat.
Ca elleve millionar
Klokkerstuen var kjent med at denne innstillinga ville kome denne veka, og er både provosert og skuffa over forslaget som nå ligg på bordet.
