Fiksar opp for idrettslaget
Etne IL har ein tiltaksfull gjeng seniorar som både ryddar skog og byggar nye garderobar til fotballspelarane, og alt anna som måtte trengast.
13 til 14 stykk er dei på det meste, og med ulik kompetanse frå fritids- og yrkesliv slik at mykje kan fåast til av dugnadsarbeid rundt dei forskjellige idrettsanlegga og Skakke-senteret, der idrettslaget har base. Gamlekarane, og det er i stor grad karar det er snakk om, har allereie lagd til nye klubblokalar for idrettslaget i kjellaren på kulturhuset.
— Dei begynte me på hausten 2017, og det var då me starta opp dette dugnadsopplegget, fortel Sigve Sørheim.
Han er med og tar eit tak, samstundes som at han er styreleiar for heile Etne IL om dagen.
