Full sal for folkemøte om rus
Salen i Ølen kulturhus var meir eller mindre fullsett då det vart halde folkemøte om ungdom, narkotika og rus i distriktet førre tysdag. Rikeleg med informasjon, samt ein sterk appell til kjenslene, vakte engasjement hjå dei frammøtte vaksne.
Den siste delen av seansen i Ølen var via den sterke fortellinga til foreldra Mona og Arne Bratland frå Svelvik i tidlegare Vestfold fylke, som ein kunne lese om i Grannar i måndagsutgåva denne veka. Sonen deira Håkon Bratland døydde i Essex i England etter å ha teke ein sterk overdose av MDMA, eit av dei typiske virkestoffa i det som på gata er kjent som party-dopet» Ecstasy.
Før dette blei det brukt god tid, vel over halvannan time, til ei rekke presentasjonar. Partane som snakka for dei frammøtte i Ølen var SLT-koordinator Carina Hornenes, det lokale politiet ved Ida Hermans og Rebekka Lillemo, samt Torbjørn Nervik, tidlegare politimann og nåverande representant for Norsk Narkotikapolitiforening (NNPF). I tillegg heldt Vindafjord-ordførar Ole Johan Vierdal ein liten introduksjon. Med unntak av at Etne-ordførar Mette Heidi Bergsvåg Ekrheim erstatta kollegaen sin frå Vindafjord, stod nøyaktig det same opplegget for tur på Skakkesenteret i Etne den påfølgande kvelden, onsdag.
Inga kjempeutfordring
