Terje Halleland får truleg 3. plassen på til Rogaland Frp.
ARKIVFOTO: JON EDVARDSEN
Håper å bli i regjering
Stortingspolitikar Terje Halleland (Frp) trur ikkje at partiet vil stille krav i regjering som er umogleg for samarbeidspartnarane å akseptere. Likevel meiner han det er 50 prosent sjanse for at Frp går ut av regjeringa.
Han var tilbake i Ølen på fredag og viser til at det er opp til partitoppane å takle den krisa som har oppstått i regjeringssamarbeidet etter at det vart kjent tysdag kveld at regjeringa hadde bestemt for fleire månader sidan at ei terrorsikta kvinne og dei to barna hennar skulle hentast heim frå Syria.
Den såkalla IS-kvinna har vore tilslutta den Islamske staten, og det er straffbart etter norsk lov. Der er det ikkje berre direkte terrorhandlingar som blir ramma, men også å ta del i arbeidet rundt ein slik organisasjon.
— Eg var med i diskusjonen i stortingsgruppa på onsdag, men detaljnivået i denne saka er overlate til partileiinga, og eg veit ikkje meir enn at det blir jobba med saka, seier han.
