Fredag kveld kunne kommunelege i Etne, Elisabeth Gunleiksrud, opplysa at svaret på koronaprøven til ein person i Etne var klart. Og det var ei gladmelding kommunelegen kunne komma med; prøven var negativ.
Dermed kunne familien som har sete i karantene sidan onsdag pusta letta ut, og karantena blei oppheva for heile husstanden.
Per fredag kveld er det på verdsbasis fleire enn 101.300 koronasmitta personar, og i Noreg er stadfesta smitta personar kome opp i 127. Og talet er stadig stigande.
Men i Etne og Vindafjord er det altså ingen smitta, og ingen i karantene.