Illustrasjonsfoto
Illustrasjonsfoto

Arbeidsulykke ved Ølen Betong

Ein mann skal ha falle ned frå ein truck.

Klokka 13.17 torsdag melder politiet at det har vore ei arbeidsulykke ved Ølen Betong sitt anlegg i Ølensvåg.

Fall frå truck

— Ein arbeidar skal ha falle ned frå ein truck, skriv Sør-Vest politidistrikt på Twitteer.

Både ambulansepersonell, brannvesen og politiet er på staden.

Ifølgje operasjonsleiar Victor Fenne-Jensen ved Sør-Vest politidistrikt får arbeidaren behandling på staden.

Politiet fekk melding om hendinga klokka 13.05.

— Eg har førebels ikkje fleire opplysningar å kome med, sa Jensen til Grannar like før klokka 13.30.

Til sjukehus

Klokka 13.48 melder politiet at arbeidaren er sendt med luftambulanse til Haukeland universitetssjukehus.

— Sjukdom utelukkast ikkje som årsak til fallet, skriv Sør-Vest politidistrikt på Twitter.