Oppdatert: 02.12 natt til laurdag fekk politiet inn ei melding om vinglete køyring. Personen skal ha stoppa ved bensinstasjonen på Knapphus, før han sette seg bak rattet og køyrde vidare nordaustover på E134. Dette opplyser Irene Ragnhildstveit, operasjonsleiar i Sør-Vest politidistrikt.
Politiet fekk kontroll på sjåføren, ein mann i 20-åra, klokka 02.41. Mannen bles godt over lovleg verdi, og det blei tatt utvida blåseprøve, opplyser operasjonsleiaren.
Han samtykka til førarkortbeslag, og blei dimittert på staden. Mannen i 20-åra er meld for køyring i alkoholpåverka tilstand.
Laserkontroll utan utslag
Ragnhildstveit opplyser også om at det i tida rundt klokka 01.00 i natt, blei gjennomført laserkontroll i distriktet. Den blei gjennomført på Liaheia i Skjold. Kontrollen gav ingen resultat.