10.52 kom det inn melding om ein bygningsbrann i Vindafjord. Det melde 110 Sør-Vest på Twitter like over klokka 11.00. Mannskap frå Skjold stasjon rykte ut, ifølgje 110SorVest.
Oppdatering:
Det blei meld om bygningsbrann på Øyna ved Haraldseidvågen i Vindafjord kommune klokka 10.52.
— Me fekk inn melding om ein brann i ein fritidsbustad. Me er på staden no, men bebuarane har klart å sløkke det før brannvesenet var på staden, seier Ruben Bøe Thomsen, vaktleiar i 110 Sør-Vest, til Grannar kl. 11.15.
Brannvesenet er på staden for å sjekke, men brannen er altså under kontroll, informerer Thomsen. Han har ikkje oversikt over kor mange bebuarar som var til stades.