Merethe P. Haftorsen er direktør i Nav Rogaland, Pressefoto
Arbeidsløysa stig igjen
Strengare smitteverntiltak gjer at arbeidsløysa stig igjen. I Rogaland er reiseliv og transport hardast råka.
I november aukar arbeidsløysa kraftig innanfor reiseliv og transport, men går samstundes ned i fleire andre bransjar, opplyser NAV Rogaland i ei pressemelding.
Ferske tal viser at 16.696 personar er arbeidssøkjarar i Rogaland ved utgangen av november. Dette inkluderer personar heilt utan arbeid, delvis utan arbeid og arbeidssøkjarar på tiltak. 9.331 personar er registrert heilt utan arbeid i fylket. Det utgjør 3,6 prosent av arbeidsstyrken. Snittet for Noreg ligg på 3,9 prosent.
Tala for Vindafjord viser 116 heilt ledige nå, mot 110 ved inngangen til november. Det utgjer 2,4 prosent av arbeidsstyrken.
