Saloonen-eigar Aslaug Mala har undervegs i pandemien gjort fleire tiltak for å kome smittevernkrava i møte. Men etter innskjerpingane som kom torsdag, vel ho å stengje heilt. I første omgang ut november.
FOTO: TORSTEIN TYSVÆR NYMOEN
Korona-viruset
Korona-stenger Saloonen
Saloonen-eigar Aslaug Mala i Etne tek statsminister Erna Solberg på ordet og stengjer dørene grunna koronaepidemien og dei innskjerpa krava til smittevern. Ho håpar å kunne opne att i desember.
Torsdag presenterte regjeringa dei innskjerpa nasonale smittevernreglane. Dei inneber mellom anna at det ikkje skal serverast alkohol etter midnatt på serveringsstadar. Ein får heller ikkje sleppe folk inn i lokalet etter klokka 22.
I tillegg var statsminister Erna Solberg si oppmoding til alle innbyggjarar i landet ikkje til å misforstå:
— Hald dykk heime, og ha minst mogeleg sosial kontakt, sa ho.
