Fungerande ordførar Tove Elise Madland ser med sorg på dødsfalla ved Vindafjordtunet, men er glad for at fleire bebuarar er på betringens veg.
Foto: Irene Mæland Haraldsen
— Ein svært krevjande situasjon
Med fire koronarelaterte dødsfall og store deler av staben i karantene er situasjonen ved Vindafjordtunet framleis svært krevjande. For ordførar Tove Elise Madland er det ekstra sterkt å sjå sin eigen arbeidsplassen så hardt råka.
Den 12. november kom meldinga om smitte ved Vindafjordtunet. Til saman 12 bebuarar var blitt bekrefta smitta av covid-19 viruset og fleire tilsette har vore råka. For to veker sidan døydde den første bebuaren som følgje av koronaviruset, og i går auka talet til fire etter to nye dødsfall ved same avdeling.
— Det me frykta mest har skjedd. Det er forferdeleg trist, seier ordførar Tove Elise Madland som er sterkt prega av situasjonen ved Vindafjordtunet.
Men trass i dei dystre tala er det håp å spora. Fleire av bebuarane har kjempa seg gjennom sjukdomen og er på betringens veg. Det gjev grunn til optimisme.
