Anne Sofie Handeland (t.v.) og Silje Ebne var klar til å selje fyrverkeri hos Hageland Ebnes Ølen for eit par år sidan.
Arkivfoto: Jon Edvardsen
Viktig å vera føre var
Om berre nokre timar vil nordmenn stå med nasen i vêret og observera spektakulære fyrverkeri som markerer inngangen til 2021. Mange vil dessverre også oppleva eit besøk på legevakta. Norsk brannvernforening tar grep for at det skal vera så få som mogleg.
I går og i dag har det voretravelt bak disken i dei forskjellige fyrverkeri-sjappene» som blir etablert i dagane før nyttårsafta. Mellom anna hos Hageland Ebne i Ølen har kundane stått i kø. Og i kveld brakar det laus. Mens dei aller fleste kosar seg med infernoet som utspelar seg over himmelen, og lukkeønskingar om eit godt nytt år, er det dessverre mange som hamnar på legevakta med augeskadar etter feil bruk av fyrverkeri.
Overlege ved augeavdelinga på Haukeland sjukehus kunne ved inngangen av året opplysa at elleve personar i Noreg fekk augeskadar. Det var fem færre enn ved inngangen til 2019.
— Fire av desse elleve er alvorleg skadd. Det vil seie at pasienten kan forventa seg betydeleg reduksjon av synet. Dei sju andre har augeskadar som er moderat alvorlege, sa overlegen i ei pressemelding 1. januar i år.
