Ulukkesnalaysegruppa til Statens vegvesen har laga ein rapport om dødsulukka på Movegen i Vikedal der ei 82 år gammal kvinne vart drepen. Bakketoppen er ein vesentleg årsak til at sjåfør og fotgjengar ikkje kunne sjå kvarandre før like før ulukkespunktet i bakken der husa er. Bilen var på veg ned til Vikedal.
Foto: Jon Edvardsen
Analysegruppe foreslår redusert fart
Analyserapporten etter dødsulukka på Movegen i Vikedal i 2019 foreslår at Statens vegvesen må vurdere fartsgrensa på nytt etter nye kriterium for fart. Bakketoppen er ei vesentleg årsak til at ulukka skjedde og fartsgrensa er 80 km/t.
Ulukkeanalysegruppa (UAG) i Statens vegvesen er ferdig med å vurdere kva som skjedde då den 82 år gamle kvinna omkom etter å ha blitt påkøyrd av ein bil på Hallingstad på fylkesveg 4752 som går til Vikedalsdalen.
Statsadvokaten i Rogaland har lagt vekk saka og tilrår ingen tiltale mot sjåføren av bilen i ulukka som skjedde 11. desember 2019. Ifølgje statsadvokat Arvid Malde er det ei heilskapleg vurdering av momenta i saka som ikkje gir grunnlag for å reise krav om straff.
Vegvesenet avslo
