Konsernsjef i Nortura, Anne Marit Panengstuen,
Foto: Håkon Sand
God vekst for Nortura
Det bondeeigde slakterikonsernet Nortura auka omsetninga med éin milliard kroner i 2020, som utgjer 4,2 prosent. Samtidig er lønsemda styrka seg med over 100 millionar kroner.
Konsernsjef Anne Marit Panengstuen er godt tilfreds med utviklinga i fjor. Det monnar også bøndene som leverer til Nortura.
— Dette er eit solid resultat og ei god løypemelding som viser at me er på veg mot eit nytt og sterkare Nortura, seier Panengstuen, i ei pressemelding.
Nortura si omsetning i 2020 enda på 24,7 milliardar kroner (23,7 i 2019), noko som gav eit driftsresultat før av- og nedskrivingar (EBITDA) på 859 millionar kroner og ein resultatmargin (EBITDA) på 3,5 prosent, opp frå 3,2 prosent året før.
