Endeleg kamp om ballen igjen

Ølen IL har tatt initiativ til ein lokal liga for ungdomslag i distriktet. Lag frå nabokommunar som har likt smittetrykk, og ikkje har andre å spele kampar mot, kan møtast til kamp på tvers av kommunegrensene.

Gutar i alderen 13 til 16 år, og jenter frå 14 til 19 år, skal møtast til seriespel, der alle laga er sikra tre kampar kvar. Turneringa tel heile 21 lokale lag og har fått det velklingande navnet Grannarligaen». Finalane i ligaen vert spela på SR-Bank Stadion i Ølen 19. juni, der arrangørane lovar stor stas med innmarsj, ekte dommartrioar og finfine premiar.

Fredag kveld vart det spela to kampar i Ølen. Ølen G13 – Etne G13 1-3, og Ølen G14 – Skånevik G14 4-5.