Martin Thormodsen (66) er lege og spesialist i allmennmedisin og generell kirurgi. I mange år har han engasjert seg i hjelpearbeid gjennom foreninga Haugesund Rotifunk.
FOTO: Anita Haugland
Jublar for meir hjelp
Seagarden sender ned rekordstor mengde fiskepulver til Sierra Leone sjølv om fraktprisen har flydd til himmels.
I mange år har Martin Thormodsen engasjert seg i bistandsarbeid gjennom foreninga Haugesund Rotifunk. På laurdag opnar han hagen sin i Skjold for å arrangere festival. Inntektene skal gå til hjelpearbeidet i Rotifunk i Sierra Leone. For ei stund tilbake skreiv Grannar ein artikkel om det arbeidet som er gjort så langt. Eitt av tiltaka som er sett i verk for å redde underernærte barn, er å gi dei fiskepulver.
— Ein gledens dag
— Bedrifta Seagarden på Karmøy har støtta oss i mange år ved å sende ned fiskepulver og betale frakta. Under pandemien har dette blitt ei utfordring sidan fraktkostnaden har auka så mykje. I dag var det likevel ein gledens dag sidan Seagarden kunne informere om at dei no sender ned ein rekordstor mengde fiskepulver, seier Tormodsen til Grannar.
