Om lag 200 ungdommar køyrde forbi ulykesstaden i Time, for å heidre den avdøde Tobias Sævareid Tesdal frå Etne.
FOTO: PÅL CHRISTENSEN, STAVANGER AFTENBLAD
Køyrde for å heidre avdøde Tobias (17)
Eit par hundre ungdommar deltok på ei køyretøykortesje for å heidre avdøde Tobias Sævareid Tesdal frå Etne tysdag kveld. — Ei fin markering, seier kameraten Sivert Grindheim.
Ei veke etter den tragiske ATV-ulykka i Time kommune, som kosta livet til den 17 år gamle Tobias Sævareid Tesdal frå Etne, stilte om lag 200 ungdommar opp for å heidre den avdøde med ein køyretøykortesje forbi ulykkesstaden.
Mange tok turen
Sivert Grindheim (19) frå Etne var ein av dei dei som tok turen til Jæren for å heidre den døde kameraten sin. Sivert fortel at han og Tobias har vore vener ei god stund, og at dei det siste året før Tobias flytta til Jæren for å ta utdanning ved Øksnevad vidaregåande skule også var naboar i Etne.
