Startar opp digital innbyggjardialog.Arkivfoto
Trur lokale tiltak har effekt
Bekrefta tal for Vindafjord kommune viser ein liten nedgang i smitte av covid-19. Lokale tiltak og vaksine kan ha hatt effekt, trur kommuneoverlege Terje Kleiven.
Medan smittesituasjonen i Nord-Rogaland for tida er svært høg har talet på smitta i Vindafjord stabilisert seg. Ferske tal frå siste dagen i november viser 10 bekrefta smitta av covid-19 og i løpet av sist veke har talet variert med 17 smitta to dagar i veka til 9 smitta ein av dagane. Til saman var det registret 33 smitta i løpet av sist veke og 231 i løpet av november månad. Det totale smittetalet sidan pandemien starta er nå på 456 bekrefta tilfelle.
— Det er litt på veg ned hos oss, seier kommuneoverlege Terje Kleiven onsdag.
Resten av Haugalandet og Nord-Jæren er svært hardt råka av smitte for tida.
