Staten må ta rekninga for bøndenes auka kostnader til energi og gjødsel, meiner leiar Bjørn Gimming i Noregs Bondelag. Denne veka heldt bøndene markering framfor Stortinget, i forkant av jordbruksoppgjeret som startar 27. april.
Arkivfoto: Heiko Junge / NTB / NPK
Uvanleg mange kyr til slakt – mange bønder gir opp
Over 40 storfebønder har bestemt seg for å leggje ned og slakte fleire tusen dyr før sommaren. Dramatisk, meiner Nortura, som fryktar kjøttmangel om få år.
– Det at nokon vel å slakte ned besetninga er i seg sjølv uvanleg. Det er unormalt høge nivå på denne tida av året, seier Kjell S. Rakkas, konserndirektør for kommunikasjon, samfunnsansvar og berekraft i Nortura.
Selskapet er eigd av bøndene sjølv og produserer og leverer kjøtt og egg.
Over 40 bønder har meldt inn nokre tusen dyr til slakt i veke 25 og 26, opplyser Rakkenes. Nokre av bøndene ringjer for å fortelje kvifor dei sluttar.
