Fleirtalskoalisjonen i Vestland fylke med ei raus hand til bøndene.Frå venstre; Natalia Golis (MDG), Trude Brosvik (KrF), Arve Helle (Ap), Marthe Hammer (SV), Geir Kjell Andersland (V), Sigrid Brattabø Handegard (Sp) og Jon Askeland (Sp – fylkesordførar).Pressefoto
10 millionar ekstra til lausdriftsfjøs
Samarbeidspartia i Vestland fylkeskommune (Sp, Ap, MDG, SV, KrF og V) fekk i fylkesutvalet onsdag fleirtal for å løyva 10 millionar kroner ekstra til ombygging frå båsfjøs til lausdriftsfjøs.
— Eg er glad me kan bidra til at fleire i Vestland kjem i gang med ombygging til lausdrift i 2022! Det er viktig for mattryggleik, kulturlandskap busetjing og arbeidsplassar, seier gruppeleiar for Sp, Sigrid Brattabø Handegard, i ei pressemelding.
Gjennom årets jordbruksoppgjer kom det på plass ei satsing på auka investeringsstøtte frå 2023.
— Me ynskjer med denne ekstra løyvinga frå fylkeskommunen, å bidra til at flest mogeleg søkjer og kjem i gang med bygging også i 2022. Me har hatt ein god prosess på dette i samarbeidspartia og er samde om denne satsinga, seier Brattabø Handegard.
