Finansminister Trygve Slagsvold Vedum vil heller prioritere skattelette til alle enn å kutte i drivstoffavgiftene.
Arkivfoto: Terje Bendiksby / NTB / NPK
Bilferien i sommar kan koste 30 kroner literen
Finansminister Trygve Slagsvold Vedum vil ikkje kutte i drivstoffavgiftene, trass i at bensinprisen kan bli over 30 kroner literen i sommar.
– Det ligg ikkje nokon endringar i drivstoffavgiftene i vårt skatte- og avgiftsopplegg no. Men til hausten kjem me til å sjå på skatte- og avgiftsgrep og lage nytt budsjett for neste år, seier Vedum til NRK.
NHH-professor Frode Steen meiner det at regjeringa ikkje vil redusere drivstoffavgifta, aukar den økonomiske ulikskapen mellom folk som bur i byar og dei som bur i distrikta. Resultatet blir svekt kjøpekraft for folk utanfor byane.
