Sandeidbuen William Veim tok ein lang køyretur for å koma seg til Landsskytarstemnet i Bodø. Der bur han i bilen.
Foto: Sander Eide Aase
Køyrde 150 mil for å skyta
Ein av dei lokale skyttarane som deltek på Landsskyttarstemna i år er William Veim frå Sandeid. Han pakka likegodt bilen og køyrde til Bodø på under eitt døgn.
Veim skyt for Vikedal og Imsland Skyttarlag. Han byrja å skyta i haust då han starta å studera i Stavanger.
— Eg har alltid vore interessert i sporten, seier Veim.
Det er såleis fyrste gong Veim deltek på landsskyttarstemnet. Han skyt i klasse 2, der skyt dei både liggande og kneståande. På baneskytinga fekk han 238 av 250 moglege poeng. Det var han godt fornøgd med.
