Operasjonsleiar i Sørvest politidistrikt, Thomas Nordvik, fortel at han har fått melding om kaos på E134 på Fikse mellom Etne og Ølen på onsdag ettermiddag.
— Personbilar og vogntog står. Det er ein trailer som sperrar vegen, fortel Nordvik.
Han opplyser at det er veldig glatt på staden.
Like før 18.00 skriv Vegtrafikksentralen Vest på Twitter det blir gjort bilberging av ein semitrailer. Vegen er nå heilt stengt. Fleire vogntog har køyrt seg fast ifølgje bilbergar. Politiet er på staden.
19.21 skriv Vegtrafikksentralen Vest på Twitter at bilbergar framleis jobbar med å få laus traileren som sperrar E134 og at det er vanskeleg å sei når vegen kan opnast igjen.
Like før 22.00 meldte Vegtrafikksentralen at vegen var open igjen.