Runar Sande står i bresjen for traktorkortesjen som går gjennom Etne-bygda på 17. mai. Dette er fjerde gong dei arrangerer kortesje, og han oppmodar alle som vil vera med - til å hiva seg på. — Det er berre å stilla opp, med nyvaska traktorar, veteranbilar, lastebilar, mopedar eller kva du møtte ønske å køyra med, seier Sande.
Foto: Grethe Hopland Ravn
Klar for nasjonaldagen og traktorkortesje
Som eit alternativ til 17.mai-tog i 2020 tok Runar Sande og ein kamerat initiativ til ein traktor-kortesje som skulle køyra gjennom sør-bygda i Etne. Dette blei godt motteke, og nå er dei klare for ny kortesje på nasjonaldagen.
Programma for nasjonaldagen er klare i heile distriktet, og noko av det som skal skje er traktor-kortesje gjennom sentrum og sør-bygda i Etne.
— Det var Sivert Grindheim og eg som kom på dette då 17. mai-feiringa blei avlyst i 2020. Dei to første åra me køyrte kortesje var som eit alternativ då det ordinære toget blei avlyst grunna smittevern. Sidan har me halde fram med kortesjen fordi me synest det har vore kjekt, og i år håpar me på enda fleire enn før, seier Sande.
Alle med
