Stortingsrepresentant, Lisa Marie Ness Klungland (Sp), Vindafjord-ordførar, Ole Johan Vierdal (Sp), Wenche S. Lilelland (Ap), Etne-ordførar, Mette Heidi Bergsvåg Ekrheim (Sp), Hilde Hellenes (Ap) og landbruks og matminister, Geir Pollestad (Sp) jublar over midlar til Seljestad og Røldalstunnelen då det blei kjent i fjor.
Arkivfoto: Svein-Erik Larsen
E 134
Røldalstunnelen inne på statsbudsjettet
Landbruks- og matminister Geir Pollestad (Sp)og stortingsrepresentant Lisa Marie Ness Klungland (Sp) hadde med seg ei gledeleg overrasking til lokalpolitikarar på Rådhuset i Ølen på tysdag. E134 Røldal-Seljestad er inne i regjeringa sitt forslag til statsbudsjett for 2024.
— Det er heilt fantastisk! Dette har me venta lenge på, seier Vindafjord-ordførar Ole Johan Vierdal (Sp).
Han får støtte av Wenche S. Lilleland i Vindafjord Ap og Etne-ordførar Mette Heidi Bergsvåg Ekrheim (Sp). Dei og Ness Klungland er alle tydelege på at dette er eit svært viktig prosjekt for regionen. Prosjektet har ei kostnadsramme på 4,9 milliardar kroner.
— Midlane blir fordelt over byggeperioden, fortel Pollestad.
