Romfartssjefen i Nammo etterlyser eiga romfartsutdanning.
Foto: Geir Olsen / NTB / NPK
Etterlyser romfartsutdanning
Romfartssjefen i Nammo fryktar at Noreg no står i fare for å bli akterutsegla når det gjeld rekruttering til romfart. No håpar han at romfartsutdanninga kan få eit løft gjennom årets statsbudsjett. Det skriv
NRK Innlandet.
Det høgteknologiske industriselskapet Nammo har store problem med å skaffe kvalifiserte nordmenn til romfartsavdelinga, og tre fjerdedeleler av dei tilsette er no utanlandske statsborgarar.
Romfartssjef i Nammo, Kristian Lium, meiner Noreg no står ved eit vegskilje og at det vil ha negative konsekvensar om vi ikkje vi får eiga romfartsutdanning.
No håpar Lium at Statsbudsjettet som blir lagt fram 6. oktober, kan opne moglegheiter for ei romfartsutdanning.
Statssekretær i Kunnskapsdepartementet, Oddmund Løkensgard Hoel, (Sp) svarar ikkje direkte på om det trengst meir utdanningskapasitet innan norske romfartsfag, men skriv i ein e-post til NRK at han forventar at lærestadane gjer løpande vurderingar.
Statssekretær i Næringsdepartementet, Helge Flø Kvamsås (Ap), meiner at regjeringa har følgt opp lovnaden dei gjorde i Hurdalsplattforma om satsing på romindustrien
Kvamsås peiker på løyve om 5 millionar kroner til eit nasjonalt senter for jordobservasjon og at det vil bli brukt 450 millionar kroner til satellittbasert havovervaking i perioden 2023–2025.
(NPK)
