Klar for å skape leseglede
Heidi Berakvam (27) frå Vats har fått jobb som skulebibliotekar i Vindafjord. Ho skal hjelpe barn å finne bøker for som passar seg på åtte skular.
— Eg blei veldig glad då eg fekk jobben. Dette er det eg ønska, seier Heidi Berakvam (28).
Ho kjem frå jobben bibliotekmedarbeidar på Tysnes Folkebibliotek og startar i sin nye stilling 1. oktober. Tidlegare har jo jobba som helgemedarbeidar og sommarvikar i Grannar, samt på Escape Room og Studentradioen i Bergen. På sida av bibliotekjobbinga er Berakvam bokmeldar for framtida.no. Ho har litteraturfagsutdanning frå Universitet i Bergen.
Skulebibliotekar er i første omgang ei eittårig prosjektstilling som blei oppretta etter at Vindafjord fekk innvilga midlar frå Utdanningsdirektoratet i juni. I eit møte for utval for oppvekst og omsorg (OPOM) 4. september fortalde biblioteksjef Silje Holden Birkeland at stillinga er spelt inn i budsjettrunden for åra etter med tanke på å bli fast. Berakvam håpar på dette.
