Åge Sørhus, Liv Cecilie Imsland, Torunn Susort, Reidun Hegerland, Marianne Bakkedal, Anette Eriksen og Stina Halleland (oppe i ribbevegg), Serine Grønstad på golvet ved sida av Gerd Risanger i rullestol, Nina Haslemo, Wenche Indreland, Arnt Norvald Breivik, Trine Vik, Iben Kvigne, Bjørnar Gundersen, Lena Litlehamar og Sofie Landa. Ingrid Nesheim sit i blått framme til høgre.
FOTO: NILS TOKHEIM
Frisk onsdag med Iben
Ein glad gjeng samlast kvar onsdag kveld klokka halv sju for å ha ein såkalla fresh onsdag» i gymnastikksalen i Ølen. Etterpå vankar det ros og klemmar ikkje minst til instruktør Iben Kvigne.
Som det høver seg startar samlinga med oppvarming og uttøying. Før dei har kome i gang har praten gått livleg.
To av deltakarane sit i rullestol, og det er litt ulik grad av rørslehemming blant deltakarane. Her kjem instruktør Iben Kvigne frå Skjold inn. Ho krev ikkje at alle skal gjera alt etter henne, men at dei gjer det som er tettast opp til eiga evne.
— Smil og glede er viktig, og musikk og rørsle forsterkar dette. Det er rett og slett supergivande å sjå korleis dei meistrar, seier instruktør Kvigne.
