Anna Klette Steinsland (t.h.) er klar for ein ny julemarknad på Bjoa. Her saman med Kari Tindeland på kjøkkenet i fjor. Arkivfoto
ArkivfotoFOTO: Foto: Grethe Hopland Ravn
Klart for julemarknad
Julemarknaden er eit av årets høgdepunkt på Bjoa. Rundt 40 utstillarar tek turen til Bjoa oppvekstsenter på laurdag for å skape julestemning for folk i alle aldrar.
— Her blir det noko for alle, seier Anna Klette Steinsland som leiar julemarknadsnemda til arrangøren Bjoa Sanitetsforening.
Tradisjon tru blir det på mange ulike utstillarar, kafé med servering av graut og kaker, ein nisse som kjem, og små og store juleprega aktivitetar, eksempelvis julekino og eit miniatyrskyttarmeisterskap. Det blir også blant anna eit loddsal, strikk og andre salsvarer og forskjelleg mat som bakverk, gardsmat og pizza. Klette Steinsland fortel ponni og kjerre og ansiktsmåling er nytt av året.
— Me prøver alltid ha ein liten vri. I år har me eit lite berekraftspreg, fortel Klette Steinsland.
