Julestemning på teaterframsyning
Julesnøen kom som bestilt, då det lava ned med snø i det Sandeid barne – og ungdomsteater var klare for premiere på juleframsyninga med sin versjon av barnemusikalen Putti Plutti Pott.
Den andre av i alt fire førestillingar med juleeventyret Putti Plutti Pott på Sandeid samfunnshus var fylt av små og store som ville ha med seg den velrenommerte juleførestillinga som teatergruppa i Sandeid steller i stand år etter år.
Publikum i alle aldrar
— Er dette det fjerde eller er det femte året med Putti Plutti Pott?, spør den mangeårige teaterinstruktøren, Jostein Apeland seg sjølv, idet han ynskjer publikum velkomen.