Dette bildet visere noko som skal ha kome dalande frå himmelen og truleg landa aust i Etne.
FOTO: PRIVAT
Trur himmel-fenomen i Etne skuldast indisk fly
Eit bilde tatt i Etne fredag morgon kunne tyde på at noko fall ned frå himmelen. Ein meteoritt-ekspert er nokså sikker på at det ikkje var tilfelle.
Bildet av objektet, som såg ut til falle ned frå himmelen, blei tatt tatt av Vitalik Degitariov. Han jobbar ved verksemda MCE i Etne sentrum. Han skulle parkere bilen sin utanfor jobben då han så to kollegaer peike mot himmelen.
— Då såg også èg at det såg ut som om noko kom fallande frå himmelen, fortel Vitalik Degitariov Grannar.
Han tok opp mobilen sin og fekk foreviga det spektakulære synet. Han sendte bildet til Grannar med håp om at nokon kan gi eit svar på kva det var dei såg.
