Illustrasjonsfoto
Foto: Privat
Farevarselet for snø oppdatert til oransje nivå
Farevarselet for snø på Vestlandet er oppgradert til oransje nivå. Det betyr at det er venta svært mykje snø.
Meteorologane opplyser at faren aukar i 14-tida torsdag, og farevarselet gjeld fram til klokka 16 fredag.
Det oransje farevarselet gjeld også for Grannar-distriktet.
Det kan komme opp mot 20 til 40 centimeter snø. Det er venta mest snø i ytre og sørlege delar av Hordaland. På kysten blir det mykje snøfokk.
– Sårbar infrastruktur kan bli ramma som følgje av snøtyngda. Mange reisande kan få lengre reisetid. Det kan vere generelt vanskelege køyreforhold. Straumforsyninga kan bli påverka, heiter det i farevarselet.
