Landslagstrenar kjem til Sandeid

Vindafjord Idrettslag skriv i eit brev til Vindafjord kommune at dei vil heidra den omfattande dugnadsinnsatsen som vert gjort av trenarar, oppmenn og tillitsvalte med eit kveldsarrangement i Sandeid samfunnshus ein gong i januar eller februar.

Hovudattraksjonen for kvelden er Thorir Hergeirsson, landslagstrenar for det norske handballlandslaget, som nyleg deltok tok sølv i VM.

— Hergeirsson, som blei kåra til årets trenar på Idrettsgallaen for eit par år sidan, vil ikkje berre være ein trekkplaster for arrangementet, men også ein inspirator. Han vil dele sine erfaringar frå trenargjerninga på nasjonalt nivå og sitt engasjement i lokal idrett, skriv Lars Olav Larsen i brevet.