Tommy Nilsen er i gang i sin nye jobb i Trygg Kurs.
Foto: Svein-Erik Larsen
Næringsliv
Satsar på kursing av næringslivet
I januar opnar kurs-bedrifta Trygg Kurs eit nytt kontor i Medvind-bygget i Ølensvåg. Tommy Nilsen på kontoret ser potensiale for vekst i Grannar-distriktet.
— Me etablerer oss her fordi me har ein kjempebra marknad med blant anna industri, slakteri og bønder i nærområde som me meiner vil ha god nytte av kursa våre, seier Tommy Nilsen.
Han starta i bedrifta i januar og skal drive kontoret i Ølensvåg, samt vere leiar for både Stavanger og Kristiansand-avdelinga deira. Nilsen skal samarbeide tett med avdelingsleiar Trond Abramsen for Haugalandet, som har kontor i Haugesund.
Grunnen til at haugesundaren Nilsen får base i Ølensvåg er at han har budd i Ølen sidan 2015.
