Gonoré kan gje varige plager, og i verste fall sterilitet. Sjukepleiarar oppmodar til å bruka kondom.
Foto: Gorm Kallestad / NTB / NPK
Åtvarar mot gonoré i omløp: – Kan gje kroniske smerter
Legar ser auka førekomst av kjønnssjukdommen gonoré. Dei trur ikkje at folk er klare over kor farleg sjukdommen kan vera.
– Mange har gått med plager over lang tid når dei kjem hit, seier sjukepleiar Siw Anette Fossby ved Test deg»-tilbodet til Sørlandet sjukehus til NRK.
Sidan 2019 har tilfelle av gonorésmitte femdobla seg. Ifølgje FHI-tal, auka tilfella med om lag 40 prosent ifrå i 2022 då førekomsten skaut i vêret. Sjukepleiar Stefan Avila trur auken kan koma av at folk flest ikkje veit kor alvorleg smitten kan vera.
– Du får meir symptom. I verste fall går det utover fertiliteten og kan gje kroniske smerter, seier han til kanalen.
Kondom er det einaste som beskyttar mot seksuelt overførbare sjukdommar, og Avila trur også at auken kan koma av at folk er friare i bruken av prevensjonsmiddelet no enn før.
Gonoré smittar gjennom seksuell kontakt via slimhinner i kjønnsorgan, hals eller endetarm. Ubehandla gonoré kan bera smitta i fleire månader. Sjukdommen kan behandlast med antibiotika.
