Nær 5500 bønder fekk utbetalt over 1 million kroner i produksjons- og avløysartilskot, viser nye tal frå Landbruksdirektoratet.
Foto: Terje Bendiksby / NTB / NPK
Næringsliv
Fleire lokale bønder fekk milliontilskot
Nær 5.500 bønder fekk utbetalt over 1 million kroner i produksjons- og avløysartilskot i 2023, viser tal frå Landbruksdirektoratet.
Tilskotslistene som Landbruksdirektoratet har offentleggjort, viser store forskjellar i summane som er utbetalte i tilskot, skriv Nationen.
Medan over 5000 føretak får utbetalt under 50.000 kroner i tilskot, som er omtrent som året før, er det kraftig vekst i føretak med millionutbetaling.
Listene viser at nær 5500 jordbruksføretak fekk ei utbetaling på over ein million kroner for 2023. Det er i overkant av 2000 fleire enn året før.
400 føretak fekk over 2 millionar kroner (+176 føretak), 41 fekk over 3 millionar kroner (+22) og 16 føretak fekk over 4 millionar kroner (+5).
Tilskotsveksten i dei siste jordbruksoppgjera har i stor grad komme som følgje av kraftig vekst i kostnadene til bøndene. Bønder med stor produksjon har fått størsteparten av kostnadsveksten.
Gjennomsnittleg utbetaling for 2023 var på rundt 457.000 kroner i produksjons- og avløysartilskot – noko som er ein auke på litt over 58.000 kroner eller 14,6 prosent i snitt frå året før.
I alt gav Landbruksdirektoratet 17 milliardar kroner i produksjons- og avløysartilskot til norske bønder.
Desse 10 fekk mest i Vindafjord:
Jan Haslemo 2.469.415
Asbjørn Alendal 1.873.702
