Skal bygge småkraft for 700 millionar i Etne

Småkraft og SKL eig 50 prosent kvar av prosjektet, som har ei ramme på NOK 500 millionar, skriv selskapa i ei pressemelding måndag.

Ferdige i 2026

I meldinga heiter det byggingsvedtaket vil utløyse ytterlegare investeringar i området, slik at totale investeringar blir på NOK 700 millionar. Prosjektet er venta ferdigstilt hausten 2026, og vil då kunne levere straum til tilsvarande 4.450 hushaldningar.

Dei tre kraftverka i energiområde Sør- Vest (N02) er Bordalen, Skromme og Kvernhuselva kraftverk, som alle ligg i området Rullestad/Åkrafjorden.

Fleire aktørar har jobba saman for å realisere dette prosjektet.

— Saman med imponerande standhaftige grunneigarar har vi jobba med dette prosjektet sidan 2005. Vi må også gje honnør til NVE som agerte konstruktivt for å få prosjektet i mål, Sparebanken Vest som finansierer utbygginga av kraftverket samt Kraftpartnar AS som har tenkt nytt for å byggje ut kraftverka, seier administrerande direktør Terje Vedeler i Småkraft AS.

Først ut

Prosjektet er det første som realiserast innanfor det nye, investeringsnøytrale grunnrente-skatteregimet.

Småkraft vil stå for utbygginga av kraftstasjonane, medan SKL vil stå for drift og vedlikehald. Illustrasjon av Skromme småkraftverk.

— SKL jobbar aktivt for å utvida og vidareutvikla porteføljen vår av berekraftig, fornybar energi, då er nye småkraftprosjekt som dette viktig. Me ser fram til å gjennomføra kraftløftet saman med Småkraft, og gler oss over moglegheitene som meir kraft og oppgradert nett gir regionen, seier administrerande direktør John Martin Mjånes i Sunnhordland Kraftlag AS.

Småkraft AS og SKL driv i dag over 200 småskala vasskraftverk. Fallrettane leigast av grunneigarar gjennom langsiktige avtalar. Samarbeidsmodellen skapar spesielt store ringverknader lokalt.

Ringverknadar

Berekningar frå Småkraft viser at det nye prosjektet i Rullestad i løpet av dei neste 70 åra vil kunne gi følgjande ringverknader:

• Direkte utbetalingar til Etne kommune i form av skattar og avgifter på over 500 millionar kroner.

• Øvrige ringverknader på lokale leverandørar og samarbeidspartnarar på over 400 millionar kroner.

• Regionale ringverknader på Vestlandet på over 1,5 milliardar kroner. Dette er utbetalingar både til regionale entreprenørar, nettselskap, fylkeskommunen og andre selskap eigd av regionale kommunar og fylke.

• Skatt og avgifter som går direkte til staten på nesten 3,5 milliardar kroner.