Slik ser Vegvesenet føre seg delar av Røldalstunnel-prosjektet.ILLUSTRASON: STATENS VEGVESEN
Pengane til E134-prosjekt er sikra
Torsdag vedtok Stortinget utbygging og finansieringa av E134 Røldal-Seljestad. Vedtaket med ei ramme på 4,921 milliardar kroner blei feira med kake.
— Det er veldig bra for heile Haugalandet at dette nå kjem på plass. Nå står ingenting i vegen for at arbeidet kan starte. Mange har gjort ein strålande jobb for å få denne tunellen på plass, og det blei velfortent feira med kaka på Stortinget i dag, sa stortingsrepresentant Lisa Marie Ness Klungland (Sp) kort tid etter vedtaket
Tryggleik, tid og miljø
Ness Klungland var blant dei som heldt innlegg under stortingsdebatten. På talarstolen minnast ho enorm lette og glede då nyheita om at det endeleg skal komme ein ny Røldalstunnel blei kjent i august i fjor.
— Heile vinteren står det fast trailerar som ikkje kjem seg opp eller det ligg trailerar i grøfta som ikkje har klart svingane, sa ølensbuen Ness Klungland, og poengterte for Stortinget at vegen er svært viktig for hennar heimregion.
