Bygda må spare på vatnet: — Ikkje bassenget si skuld

Grannar publiserte sist helg ein artikkel som handla om at innbyggarar i Skånevik blei oppmoda om å spare på vatnet i tørketida me er inne i. I den samanheng har avisa fått spørsmål frå lesarhald om oppmodinga kan samanheng med at det nye bassenget, Sjøkanten Trivsel, som snart skal opne, og no er fylt opp med vatn.

Frå same kjelde

Styreleiar Kenneth Karlsen i Skånevik Vassverk stadfestar at bassenget får vatn frå same kjelda som innbyggarane elles, men avviser at oppmodinga som har gått ut har noko med bassenget å gjere.