Folk på Etnemarknaden: – Det er så mykje å sjå her

Det var mykje liv både inne i Skakkehallen, og på området utanfor, under Etnemarknaden. Der møtte Grannar fleire marknadsgåarar, og spurde dei to spørsmål:

1. Kvifor tok du turen til Etnemarknaden?
2. Kva vil du sjå mens du er her?

Namn: Ole Magnus Sørhus, Ann Linnea Sørhus og Mari Anine Sørhus

Frå: Vats

1. Me tok turen for å sjå og vera med på det som skjer her.
2. Eg gler meg til å sjå på alle bodane som er her, og eg har veldig lyst å finna ein draumefangar, seier Ann Linnea Sørhus.

Namn: Stein Gunnar og Margunn Steinsvik

Frå: Etne

1. Me bur rett i nærleiken, og likar å kome innom for å sjå på ting, og treffe folk.
2. Det er alltid kjekt å sjå på alle tinga her, men me har og allereie vore på ein helikoptertur. Då fekk me sjå alt ovenfrå og det var stilig.

Namn: Margunn Johansson Taraldsøy

Frå: Skånevik

1. Me pleier å vera her kvart år, sidan det er så mykje å sjå her.
2. Eg likar godt å sjå i alle bodane som er her. No har eg allereie vore innom fleire, og kjøpt masse.

Namn: Atle Kleppe og sonen Gisle.

Frå: Ølen

1. Me pleier å reisa her kvart år, men det er Gisle sin første gong!
2. Bjørnis!

Namn: Lars Olav Tverberg og dottera Maren

Frå: Skare

1. Me har hytta i nærleiken, så då måtte me berre ta turen.
2. Det er mykje å sjå her, men me gler oss mest til Bjørnis, Paw Patrol og magikaren.

Sjå biletserien frå festivalen lengre oppe i artikkelen!