Midtfjellet.
Foto: Stein Erik Gilje
Sunnhordland Kraftlag kjøper Midtfjellet Vindkraft
Sunnhordland kraftlag (SKL) har kjøpt vindkraftanlegget i Fitjar kommune saman med Fitjar kraftlag. Med denne avtalen aukar SKL sin fornybare energiproduksjon vesentleg, noko som kjem fram i ei pressemelding frå selskapet torsdag.
Sunnhordland kraftlag har no sikra eigarskapen til 95 prosent av Midtfjellet Vindkraft, mens Fitjar kraftlag har auka sin eigarandel til 5 prosent. Transaksjonen, med ein verdi på 131,4 millionar euro, markerer eit viktig steg for begge selskapa i arbeidet med å auke fornybar energiproduksjon. Det tyske investeringsselskapet Aquila Capital har tidlegare vore eigarar gjennom sine fond.
Styrkar lokal fornybar energiproduksjon
Midtfjellet Vindkraft er eit av dei mest veldrivne vindkraftanlegga i Noreg, med 55 turbinar som til saman produserer 420 gigawatt-timar (GWh) årleg. For SKL betyr dette ein vekst i produksjonen frå 2,8 til 3,2 terrawatt-timar (TWh), noko som tilsvarer ein auke på 15 prosent. Anlegget forsyner om lag 60.000 innbyggjarar med straum, noko som gjer det til ei viktig kraftkjelde for Sunnhordland.
