Etne formannskap under eit møte i oktober 2024 der Skakkesaka låg på bordet.Arkivoto: Grethe Hopland Ravn
Formannskapet krev fleire avklaringar om Skakke-tilbod
Trass i eit tilbod på 30 millionar kroner frå Sparebankstiftinga Etne for å sikra Skakke-senteret si framtid, valte formannskapet i Etne å ikkje gå vidare med avtalen før fleire viktige spørsmål er avklarte.
Det er uvissa rundt eigarskap, maktfordeling og framtidig drift som har ført til at politikarane krev meir informasjon før dei kan konkludera på kva dei vil gjera med dei 30 millionane som Sparebankstiftinga Etne (SE) har lagt på bordet. Då formannskapet møttest tysdag blei det ein god debatt rundt korleis kommunen bør forhalda seg til gåva frå Sparebankstiftinga. Kommunedirektør Filippo Ballarin er derimot tydeleg på at dei 30 millionane neppe kan kallast ei gåve, men eit oppkjøp.
— Dette er ikkje ei gåve, for det er knytt krav til bruken av pengane. Eg har undersøkt litt og definisjonen på ei gåve er noko ein gir eller får utan vilkår». Så pengane frå Sparebankstiftinga er ikkje ei gåve. Det me står overfor er eit oppkjøp, sa Ballarin til formannskapet.
Kompetanse og kapasitet
