Konkurransetilsynet fryktar dyrare mjølk med ny prismodell

Ein ny prismodell for mjølk kan gå utover forbrukarane, åtvarar Konkurransetilsynet. I høyringssvaret til regjeringa skriv dei at forbrukarvernet forsvinn.

– Sånn modellen er foreslått, vil ein ikkje ha eit forbrukarvern når prisen på mjølk blir sett, noko som kan føre til høgare mjølkepris, seier avdelingsdirektør Beate Berrefjord ved Konkurransetilsynets avdeling for mat, handel og helse i ei pressemelding.

I jordbruksoppgjeret vart det fastslått at prismodellen skal gå vekk frå dagens modell med målpris, der ein fastset det som i praksis er ein makspris gjennom jordbruksoppgjeret, til ein volumprismodell der Tine set prisen på mjølk to gonger i året.